Video
Read full review
2011-03-21
23 views
19-3-2011留意咗呢度好耐, 是日終於有機會 lunch 嚟試試了. 約 2:00pm 嚟到仍然有 set lunch 供應, 不過大家想食的 roasted pigeon 及 sea bass 都無了, 結果轉完又轉, 最後 sea bass 變 red snapper, roasted pigeon 又變了 roasted chicken, 但就搞到收費就有點混亂, 到而家我都唔知究竟我哋有無俾多了錢 麵包烘得好熱, 外層厚身, 韌中帶脆, 中間密度幾高, 不過食落又幾軟熟, 帶麵粉香, 再塗點 lightly salted 的牛油, 好食喎. Starter 係 cured ham with pickles and olives: 一向唔喜歡漬菜, 後兩者都無食 Cured ham 片得好薄, 食落幾鹹, 但實在濃香, 正 On the side 仲有一小碗 mixed salad (餐牌又話係 Niçoise salad 來的?), 不過大部分沙律菜都軟撻撻, 生菜仲幾 rusty , vinaigrette 又太少, 食了兩啖立即將佢推埋一邊. Main 叫
19-3-2011留意咗呢度好耐, 是日終於有機會 lunch 嚟試試了. 約 2:00pm 嚟到仍然有 set lunch 供應, 不過大家想食的 roasted pigeon 及 sea bass 都無了, 結果轉完又轉, 最後 sea bass 變 red snapper, roasted pigeon 又變了 roasted chicken, 但就搞到收費就有點混亂, 到而家我都唔知究竟我哋有無俾多了錢
麵包烘得好熱, 外層厚身, 韌中帶脆, 中間密度幾高, 不過食落又幾軟熟, 帶麵粉香, 再塗點 lightly salted 的牛油, 好食喎.
Starter 係 cured ham with pickles and olives: 一向唔喜歡漬菜, 後兩者都無食 Cured ham 片得好薄, 食落幾鹹, 但實在濃香, 正 On the side 仲有一小碗 mixed salad (餐牌又話係 Niçoise salad 來的?), 不過大部分沙律菜都軟撻撻, 生菜仲幾 rusty , vinaigrette 又太少, 食了兩啖立即將佢推埋一邊.
Main 叫了 roasted chicken ($148): 係 spring chicken, 皮 roast 得薄脆,切開 d 肉見到不少水份, 不過只有雞脾位置係嫩滑的, 其他的白肉係好嚡又好硬 睇得見醬汁內有不少煮到腍晒的 baby onions (?), 味道則好甜, 仲有 raisins 的味道, 幾特別, 不過唔太啱口味; 旁邊仲有一小碗 potato wedges, 灑了鹽的, 食落唔脆, 薯味 ok, 不過又有點燶, 唔太喜歡.
朋友食 whole red snapper ($188), 試了肉少少魚肉都幾鮮香, 不過 grill (?) 始終食唔慣, 亦唔係我喜歡的 red snapper 煮法, 旁邊的一堆 diced tomatoes / onions / olives etc (係咪叫 Provençal sauce?) 亦唔係我喜歡的味道 (鬼叫我唔食 olives...), 唔講太多了. 最吸引反而係配角之一 mashed potatoes, 雖然薯味一般又較多水, 但做得幼滑似 puree, 而且落了味道似 pesto 的調味, 食落香而不膩, 幾喜歡.
食物 ok, 環境亦 ok, 不過檯底竟然有幾粒飯 , 仲黐了落我個袋度 , 唔知上幾多手的!? 衛生認真麻麻喎.
連加一埋單約 $163, 朋友的就約 $207, 整體印象麻麻, 唔知 a la carte 會唔會好 d? 不過應該唔會再來食 lunch 了.
Post
