T Club

Open Now

Now Closed

之前收到佢哋嘅外賣宣傳單，叫咗一個軟殼蟹意粉試下，有成隻軟殼蟹喺度，都真係幾好食，價錢只係55蚊，都算幾抵。後尾知道佢哋換咗個廚師，於是同太太上去間餐廳試下，唔知係唔係疫情關係，啲枱擺得好闊落，我哋兩個人可以坐一張近窗口嘅枱，睇到海景添，環境都幾舒服。我哋叫咗兩個午餐，一個闊條麵，一個燒雞餐，有餐湯有沙律有嘢飲，食物水準都可以，餐牌上嘅價錢貴咗少少，但係入咗會可以打番八折，加上幾好嘅環境，咁價錢就變得好合理，而且侍應嘅服務態度都幾好，值得繼續幫襯。