輕鬆飲 (Closed)

本來食完回族薄餅，下一站是肥媽小食的，但兩點鐘竟然仲未有野賣，唯有去買杯台式飲品解解口裡陣咖哩味先，奇怪 happy lemon 無人問津，輕鬆飲門外卻大排長龍，一於試試啦個店員有點像阮德鏘，本想試波霸奶茶 (波霸一講出口差 d 想笑，好彩店員唔係女仔)，點知太早未有，故要了一杯珍珠奶茶($10)，店員會問要唔要少甜少冰，之後就拎飛仔等...一間細細的鋪仔，得一個位同時 take order 及分發飲品，所以確有"飲品出了卻要等"的情況，引致門外擠滿了人，大約等了十分鐘，終於拿到一超大杯的珍珠奶茶 (約是 happy lemon 的 1.5 倍 size)... 內裡的珍珠是台灣常見的粉圓，形狀較細，易入口，咬感一流! 味道是偏甜了一點，下次一於要少甜...其實就我所見，店鋪有一邊是放滿雜物的，如果可以做到一邊 take order，另一邊分開飲品的話，服務效率定會大大提高。另外，這裡消費可儲印花，買十送一，的確抵飲啦!