同同事兩個人去左哩間我地去開嘅日本料理。哩個時間無咁多人，仲有lunch set，同一啲下午嘅特價小食，好似仲抵過我平時早放lunch咁，又唔洗迫人！
不過抵還抵，之不過個餐真係太多野啦，所以我同同事一人散叫左一啲壽司，同埋叫左一個七味燒雞亦小食同埋燒青花魚小食就算啦！
我叫左一件加拿大海膽壽司、8吋三文魚壽司、同無頭甜蝦壽司及北寄貝壽司各兩件。
七味雞亦我覺得淡左啲，可能因為我食得辣啦，不過肉質好嫩，無燒得太乾唔錯；
燒青花魚都燒得幾好嫁，不過我地哩份剛好係腩位，我都係鍾意啖啖肉多啲，其次係鍾意個燒魚汁，教得好好味；
加拿大海膽係我嘅至愛，而且唔係成日有，所以我就點黎試下囉，個海膽好新鮮，不過啲飯就硬左啲囉！
無頭甜蝦壽司同北寄貝壽司就無乜太特別所以唔多介紹啦，我都係鍾意食有頭果隻甜蝦，得我下次晚市再幫襯過先得！
