尚點 小籠包.上海麵館 (置富第一城) (Closed)

媽媽話今晚不想煮飯，輕鬆地出街食，就相約我去到家裏附近沙田銀城街置富第一城（尚點 小籠包.上海麵館）食上海嘢，餐廳十分寬敞同時坐得十分舒服，交通也十分方便係馬鐵第一城站落，再行幾分鐘便到達，食完飯又可以輕輕鬆鬆行下商場。鮮肉小籠包$42每籠四隻，最好就係小籠包上枱時仲係熱呼呼的，皮薄肉香，湯種爆瀉，仲可一口一隻，食在口中十分有滿足感 ，超正。蔥爆牛肉，將大量香口的京蔥再配上軟滑淋的牛肉一起爆炒後，而醬汁又剛剛好，令到牛肉十分惹味。上海擔擔麵，麵條煙韌十分 清甜，湯底配料分別有花生碎、肉碎、蔥花，將擔擔麵拌勻後先食，更加入味。餐牌上的食物，有好多種類同款式，而且仲係每樣都細細碟，最重要是可試多幾種味道時而又不會浪費食物，真是兩全其味值得 一讚。