意蠔屋 (Closed)

五月廿二日，下午五點黎到，食個下午茶。之前都黎過幾次食，有得自選意粉，幾正。配料，醬汁，意粉天使麵長通粉等等，可以自己揀。望到呢個餐牌笑左，一個人的浪漫。不過我無叫呢個餐。雞翼配蒜茸包，雞翼好香口，味道惹味，濃郁香草味。略嫌細隻左啲，包都新鮮熱辣，唔錯。忌廉白汁雜菌天使麵。好足料，好多菇，忌廉白汁做得幾出色，但又唔會好漏，天使麵做得岩岩好，麵質剛好。而且下午茶黎講，份量都好大碟下。