今次試咗個午市椒宴套餐（$668/位），開頭仲怕會好辣，點知又幾有驚喜喎。
6
佢好巧妙咁用咗花椒，以椒麻香為點綴，整出好多唔同層次嘅香味同麻香。就算我唔太食得辣都覺得好正，真係幾創新😚涼菜四味碟：胭脂蘿蔔、薑汁豬肚、燒椒茭白、燈影魚片紅花椒&膏花椒。有啲柑橘嘅果香同玫瑰花香，幾惹味，麻麻哋咁，做前菜一流。
山椒豬耳凍配魚子醬：彰花椒嘅檸檬、香茅木質香味同魚子醬好夾，口感好特別。
蝴蝶竹蓀湯配山椒精油：個湯睇落清清哋，但飲落好香金華火腿味，正！可自己選擇加山胡椒精油提香。
四川宮保竹胎兒蝦球：用上漢源貢椒嘅玫瑰、柳橙、柚子香味，同啲蝦球好夾，微微辣香，啱啱好。
老成都水煮安格斯牛肉（茂縣大紅袍）：茂縣大紅袍嘅辛香味同薄荷嘅涼涼哋感覺，加埋嫩牛肉，麻香好持久，食完都仲記得個味。
之後芹菜好清新，refresh返味蕾。
主食麻婆豆腐燒鮑魚配飯：淡源貢椒嘅玫瑰、柳橙、柚子香味，同鮑魚、豆腐好滑，唔會太辣，撈飯一流。
甜品怪味雪糕：帶微微麻香，面上仲加左脆脆米口感。
另外叫了貢椒茶：食完飲杯貢椒茶，暖胃又解膩，仲有陣麻香。
