一品燒鵝海鮮酒家 (Closed)

當年係舊公司, 係經常黎呢間酒樓, 因為味道唔錯, 價錢大眾化再加上坐得都舒服. 離開舊公司已有一段時間, 今日下午同女友到港灣千色百貨買點東西, 行了一團後就順道黎"一品"嘆下茶回味一下以前, 跟她"想下當年"!今日可能星期日, 人山人海, 而且還要等位! 在等位期間看到門口位放著一張長枱, 阿姐忙著跟著單左煎右舀, 煎著芋頭糕時, 同時又攪著鳳爪, 忙過不停! 而我就反而被她弄的食物吸引得目不轉睛!這裡點心款色都頗多選擇, 價錢亦唔貴! 咸水角係上準之作, 皮炸得軟硬適中, 餡料未至於好多, 但味道就出奇好食!有趣的名字, 我估可能有香菜的關係, 所以取名"西就"吧! 皮很厚但卻很滑, 叉燒唔多但香菜跟叉燒份量剛好, 這味道將之前問題都蓋過了!小小的鳳瓜排骨飯, 飯濕, 但好彩有排骨鳳瓜味道滲入飯裡面, 才勉回部分數!雞扎外形非常珍寶, 包著火腿, 魚肚, 雞肉及芋頭, 整個脹脹的, 味道不錯及非常抵食!眼見一碗煉奶, 以為只是普通饅頭點著吃, 但咬下去發覺原來充滿椰香, 不需點都非常吸引, 真係估"你"唔到!