Video
Read full review
2018-09-03
14 views
閒日放工約左兩條女食飯，揀左呢間mokumoku,食下串燒，飲兩杯，吹下水chill下咁。餐廳裝修好有日本地道嘅風味，似係日本人放工去飲酒、食串燒、傾偈嘅地方。燈光暗暗地，都幾relax, 幾適合香港大壓力嘅打工仔們。至於食物方面，整體嚟講食物質素都唔錯，前菜餐廳員工介紹左個豬肝mousse同iberico火腿，喺間主打食日式串燒嘅餐廳食到咁西式嘅前菜感覺一d都唔怪，因為係好食的。另外我地仲order左個粒貝刺身，鮮甜爽口，好新鮮。串燒方面，大部分（我試過）嘅串燒都係好味。特別推介嘅係條燒喜知次同埋林檎卷，d魚肉好滑好juicy。林檎卷聽個名未必知係咩黎，其實係d豚肉片卷住塊蘋果黎燒，感覺好清新，女士們一定鐘意。最後甜品方面都好有驚喜，叫咗個柚子雪杷，雪杷嘅柚子味好濃，有少少柚子應有嘅苦澀，食完咁多熱氣嘅串燒，食返d唔太甜又清新嘅甜品，為全晚作一個總結，好滿足!
餐廳裝修好有日本地道嘅風味，似係日本人放工去飲酒、食串燒、傾偈嘅地方。燈光暗暗地，都幾relax, 幾適合香港大壓力嘅打工仔們。
至於食物方面，整體嚟講食物質素都唔錯，
前菜餐廳員工介紹左個豬肝mousse同iberico火腿，喺間主打食日式串燒嘅餐廳食到咁西式嘅前菜感覺一d都唔怪，因為係好食的。另外我地仲order左個粒貝刺身，鮮甜爽口，好新鮮。串燒方面，大部分（我試過）嘅串燒都係好味。特別推介嘅係條燒喜知次同埋林檎卷，d魚肉好滑好juicy。林檎卷聽個名未必知係咩黎，其實係d豚肉片卷住塊蘋果黎燒，感覺好清新，女士們一定鐘意。
最後甜品方面都好有驚喜，叫咗個柚子雪杷，雪杷嘅柚子味好濃，有少少柚子應有嘅苦澀，食完咁多熱氣嘅串燒，食返d唔太甜又清新嘅甜品，為全晚作一個總結，好滿足!
3 views
0 likes
0 comments
Post
