東海堂 (Closed)

是日放工去香港仔覓食，途經東海堂店，見到推出了12點至2點優惠時段的木糠布甸，但那時已經是三點半鐘了，店員見我喃喃自語，就主動同我講木糠布甸仲未賣曬，我就毫不猶疑買下來，果女店員知道我要趕住去食飯，唔想我大熱天時仲拎住個蛋糕周圍走，就俾左張單我，叫我得閒先返黎拎，仲好細心甘幫我包起個蛋糕，實在細心！優惠價$35的木糠布甸，份量也不少的，面層舖滿了粒粒均勻細碎的馬莉餅，插了兩小塊雲石朱古力片作點綴，但這蛋糕只有梅花間竹地鋪了兩層，比起平時其他糖水舖的四、五層少了一份美感！輕輕嘗了一口，海綿蛋糕的確軟綿綿，很鬆軟的，蛋味很夠香；而忌廉和煉奶的比例恰到好處，甜而不膩，其幼滑程度比起平時常食的mousse更強，質感也很輕身，不知不覺間自己就食左一大半啦，開始有點內疚感，要停口啦！用發達通俾錢就送兩小包咖啡沖劑，而呢個牌子既咖啡粉是我平常返工飲開的！足以為我兩天的工作上叉叉電！