札幌拉麵 Miso No.1

Open Now

Now Closed

好日唔來荃灣，原來由荃灣西去到荃灣東係非常之遠嘅一件事，有荃新天地一期行到去荃新天地2期都已經足足行左我15分鐘。但係冇計啦，話要去玩遊戲喎。如果放假要來行街我諗足足要兩日先至會行得晒，真係夠唒消磨。雖然個名就叫做札幌拉麵，但係唔好以為佢淨係有拉麵食，除咗拉麵之外佢仲會有其他嘅飯餐有魚，有牛肉都會有豬肉。而且佢啲套餐都會跟一個面豉湯同白飯。今日就叫左個蒜蓉牛柳粒餐。其實除咗牛柳粒之外仲可以揀原件嘅牛扒，但係我個人就比較鍾意食啲細細粒嘅牛肉，覺得咁樣煮就會入味啲，同埋肉嫩d。果然呢到的味道做得不錯，合格有餘。另外就叫左一個最普通的叉燒拉麵，最普通的係最好食嘅。 呢度嘅豬骨湯拉麵味道唔算話好濃，但係會有淡淡的豬骨湯嘅清香，啱晒啲口味比較淡嘅人。跟餐加少少錢就可以有埋個小食，小食非常之特別，就係中式嘅韭菜炒豬潤。竟然可以係日本餐廳度食到非常之特別，味道又不錯。下次如果經過呢一度行街又或者玩嘅時候係呢一度食返個輕便嘅午餐又或者晚餐其實都唔錯。