Fast Taste (金碧閣) (Closed)

醫院附近近幾個月開左間西式burger店，見咁近我番工地方，哩日放工一於約埋班姐妹去試下先！香蒜扒老虎蝦…一上枱就聞到好香蒜蓉味！老虎蝦size唔算好大，蝦肉大約有手掌心咁長，虎蝦味道都幾濃郁，加埋蒜蓉一齊燒都幾香口嫁。法式鮮蠔湯… 哩個湯真係估佢唔到，蠔味十足！好似食緊隻熱辣辣既蠔落肚咁。😎公司漢堡…公司漢堡點會好似公司三文治咁簡單！先係厚身double和牛漢堡扒已經夠吸引！再加埋double cheese、炒蛋同埋蔬菜，真係double happiness呀！😋橫行脆蟹堡…見唔見隻蟹向你招手🙋 軟殼蟹炸得夠脆又夠份量😎 仲有上下左右既芝士、生菜、蕃茄片同混入蟹子既千島醬 加埋軟熟既芝麻包 整體唔錯嫁！墨汁意大利飯伴原隻虎蝦…虎蝦同小食虎蝦同樣大細，而墨汁份量岩岩可以沾滿每粒米飯而又唔會過濕，飯粒幾有咬口，飯中仲混入墨魚圈，算係幾有誠意。