同桂食飯日,好耐冇見了,一於搵間靚既地方,喱間餐廳好大,差唔多霸佔左一層,分開兩個舖位,感覺幾high~!
7點幾去到,唔算好多人,不過就好多枱比人book左~!
出名係軟心蛋三文魚籽黑松露忌廉意粉,必食,主菜,加$18可配湯or田園沙律or cake / 加$10可配咖啡或茶。我地揀加左沙律呀~!
沙律有埋個包,係似豬仔包既,都ok~!
田園沙律,尚算新鮮既,味道ok~!
輕煎帶子野菌意大利飯,$138,廚師推介,最近愛上左意大利飯。帶子煎得好香又新甜,意大利飯夠濕,口感外軟內硬夠煙韌,味道濃郁,香野菌味,好食呀。
軟心蛋三文魚籽黑松露忌廉意粉,$148,廚師推介,賣相真係好吸引。
切開軟心蛋,食左半隻蛋好滿足,蛋醬撈埋意粉一齊食更creamy,味道上唔算突出好食只係ok。
士多啤利草莓冰,$28,個質感有點似雪香,好香士多啤梨味,唔錯呀。
環境唔錯,食物都ok,不過係偏貴左點~!
