澤記快餐飯店 (Closed)

住係柴灣咁多年，都唔知吉勝街車房附近有間快餐店。之前係youtube見有人介紹依間快餐店既魚柳包，特登過黎試下。餐廳係露天座位，夏天時份真係熱到high high。不過勝在上菜速度快，落單唔夠三分鐘就有得食。魚柳包塊魚柳大得誇張，仲長過筷子。魚柳即叫即炸，食落熱辣辣，炸漿香脆冇雪味。麵包烘過黎，但稱唔上香脆，如果再烘耐d相信會更加好食。魚柳上方淋上千島醬，非常惹味。下方夾有番茄同青瓜片，中和左魚柳既油膩感，食落去每啖都好滿足。連埋凍奶茶埋單都只係三十五蚊勁抵食。