Man Kee Cart Noodle (Fuk Wing Street)

深水埗食野一直都比較平，但有時會諗唔到食咩。咁就係食車仔麵既好時候，黎到深水埗緊係食文記，其他米線類留番心急人士先食啦。😂😂雖然三間文記都好多人排隊，但係只要堅持，等15分鐘左右都排到了。

最鍾意食瑞士雞翼入味，叫一碟$35，個汁好多好吸引，令人好想送飯！

講番碗麵，叫左生麵腩汁中辣，辣度等於出面小小中辣咁！呢度既辣比較溫和。

牛腩入味之餘炆得林，唔會粗製濫造。甜酸齊就唔係度度都有得叫。

野飲方面咸檸七$11都值得叫，因為有原粒咸檸！