期待咗好耐 我哋終於都做得到啦
去咗尖沙咀 喺海港城附近嘅巷仔
發現有個細門口 係通往樓上嘅舖
呢間餐廳嘅座位多 坐落都好寬闊
而美中不足嘅係 冷氣真係差少少
重點係食物質素同款式 性價比高
啱晒吃貨達人喺度食餐勁嘅 哈哈
-
三餸車仔麵 ($64)
我叫咗最愛嘅河粉 揀咗爽麵同咖哩汁
五香牛腩真係好大件 巨型魚蛋勁彈牙
滷水豆腐好入味 配料份量比想像中多
配埋大和豆漿 呢個質素成件事好完美
皮姐叫咗米粉 配五香牛腩生菜豆腐串
湯底就揀咗重口味推薦 即係全部醬汁
有腩汁咖哩汁沙嗲汁辣汁 真係好惹味
配埋津路烏龍茶 絕對係最佳配搭嘅呢
-
新鮮魷魚鬚 ($52)
賣相好吸引 魷魚咬落好爽口 份量亦啱啱好
用咗秘製辣醬 好惹味 真係食到停唔到口呀
-
太陽餅（$45）
有五塊蝦餅 中間夾住蝦膠同鮮蝦
咬落好彈牙 配埋泰式辣醬無得彈
