路過見人排隊又係好耐冇食的車仔麵，所以入去懷舊一下。兒時味道的車仔麵已經不復再。可能是人大了。話雖如此，呢碗麵俾我的感覺還是良好的。堂食也不錯，地方小位置偏窄，但總體整潔👌
🍜粗麵：爽身好食。似細個食的粗麵，不是雲吞麵舖的鹼水麵。
🐷滷水豬腸： 滷水入味剛好不會Over。食落感覺豬腸很乾淨同埋新鮮做，唔係啲煮好放冰箱多日，賣唔晒隔日再買嗰種。
🍄🟫冬菇 及豬片： 同樣是入味剛好。咬落多汁味美。
🥣湯底 ： 麻辣。 細個唔會食辣，所以冇得比較。佢哋只是後加麻辣醬落湯底，所以不要期望跟川菜湖南菜用麻椒煮出來的味道，麻勁不大。👅如果喜歡食辣的都係唔錯的選擇。
下次路過我會試吓咖喱魷魚，相信會好好食及接近細個的味道，期待🤤
1
