Video
Read full review
2019-11-13
264 views
良心食店買少見少，當然要親身支持出一分力啦！今次要去SSP鴨記買嘢所以去咗街頭呢間車仔麵店醫肚先一去到明明已經2點半，都仲要排隊入條隊真係排極都仲有，香港人犀利最終我哋等咗半個鐘先有位等完都3點，啱啱好下午茶，平咗我唔係好食得辣，所以將所有想試但有辣味嘅嘢擺晒隔離bf嗰碗度一碗有秘製辣汁，有2隻辣椒仔，我嗰碗叫咗蕃茄濃湯兩餸一麵$30；三餸一麵$38；四餸一麵$46我哋2個人叫咗8個餸有日式豬軟骨+鹵水牛舌+柱侯牛腩+蘿蔔+豬紅(辣)+鹵水大腸+牛筋+陳皮魚蛋本來見到出面個牌有鴨血，但入面得豬紅，呢樣係唯一失望嘅地方每碗都有條菜，我哋叫完發覺自己叫嗰啲顏色睇落偏啡，不過好滋味湯底好濃郁，特別蕃茄湯，味道好鮮甜，車仔麵嚟講有蕃茄湯底算難得而秘製辣湯比想像中無咁辣，2隻辣椒我唔多食得辣都食到鍾意辣嘅人一定要叫大辣先得啦！豬紅蘿蔔雞翼尖向來係我食車仔麵必點嘅餸貪佢最易入味！豬軟骨肉質軟腍有咬口，牛筋亦淥得好淋，但柱侯牛腩就反而較遜色，有啲韌難嘴嚼值得一讚係鹵水嘢，牛舌同大腸都好味，牛舌好軟嫩入味，大腸只係bf話好食，我唔食的仲有陳皮魚蛋呀，好少見到會仲有得食！魚蛋彈牙，有陳皮味更難得交換之後
今次要去SSP鴨記買嘢所以去咗街頭呢間車仔麵店醫肚先
一去到明明已經2點半，都仲要排隊入
條隊真係排極都仲有，香港人犀利
最終我哋等咗半個鐘先有位
等完都3點，啱啱好下午茶，平咗
我唔係好食得辣，所以將所有想試但有辣味嘅嘢擺晒隔離bf嗰碗度
一碗有秘製辣汁，有2隻辣椒仔，我嗰碗叫咗蕃茄濃湯
兩餸一麵$30；三餸一麵$38；四餸一麵$46
我哋2個人叫咗8個餸
有日式豬軟骨+鹵水牛舌+柱侯牛腩+蘿蔔+豬紅(辣)+鹵水大腸+牛筋+陳皮魚蛋
本來見到出面個牌有鴨血，但入面得豬紅，呢樣係唯一失望嘅地方
每碗都有條菜，我哋叫完發覺自己叫嗰啲顏色睇落偏啡，不過好滋味
湯底好濃郁，特別蕃茄湯，味道好鮮甜，車仔麵嚟講有蕃茄湯底算難得
而秘製辣湯比想像中無咁辣，2隻辣椒我唔多食得辣都食到
鍾意辣嘅人一定要叫大辣先得啦！
豬紅蘿蔔雞翼尖向來係我食車仔麵必點嘅餸
貪佢最易入味！
豬軟骨肉質軟腍有咬口，牛筋亦淥得好淋，但柱侯牛腩就反而較遜色，有啲韌難嘴嚼
值得一讚係鹵水嘢，牛舌同大腸都好味，牛舌好軟嫩入味，大腸只係bf話好食，我唔食的
仲有陳皮魚蛋呀，好少見到會仲有得食！
魚蛋彈牙，有陳皮味更難得
交換之後一碗可以有7-8樣餸，嘻嘻
張單仲寫住香港人反抗，真良心店
唔係為生意扮有良心嗰啲
大家識做啦？！
Post
