犇道 Chef Ben- Cafe & Steak Bar (弦海) (Closed)

一早去左屯赤踩單車，踩完黎呢度食早餐就岩哂啦～因為佢大大杯凍檸茶十分吸引！早餐可以加8蚊由多士轉做牛角包，所以我揀左香腸．炒蛋．牛角包早餐，仲有大大啤酒杯裝住既凍檸茶，非常透心涼😍炒蛋上面有小小黑松露醬，而且都幾滑，牛角包就正常啦，食得出佢無烘過所以無咁脆，香腸出奇地juicy,配埋沙律食唔滯，而且早餐好豐富呀，杯凍檸茶就正常味道啦，飲到一半咋，已經飽到食唔落。總結味道正常，又豐富，cp 值又高，地點又方便，所以會有下次。