剛好喺呢間超市見到有張枱 有蠔食
我馬上點選一份高級街頭小食
順便可以脫下口罩休息一下
98蚊四隻號其實真係好抵食
佢仲要即開即煮新鮮程度極高
先講講佢嘅味道
佢嘅蠔好新鮮好鮮甜
加上佢個酸辣汁青檸味好香亦都夠辣
好好味
不過有個好大嘅問題
如果食生蠔佢一定係好新鮮好鮮甜
但係如果食燒蠔
燒得就唔係好夠乾 水份太多
煙肉同生蠔亦都不能溶為一體
兩個味太獨立
生蠔好味燒蠔好味
半生熟蠔就唔好味
又可以引用食神史提芬週嘅對話
好好地一粒咖哩魚蛋畀你搞到冇咖哩味亦都冇魚味
下次再嚟食嘅時候我一定淨係食生蠔
點佢個辣汁千祈唔好同我煮
