越味皇 (Closed)

路德圍啲食肆基本上都食到爛哂，今日竟然俾我發現有間餐廳竟然未食過，咁就入嚟試下，七點鐘入到去已經要坐最後一台，都相當之好生意。青檸梳打，呢度嘅梳打係用泰象嗰隻牌子，見到呢兩隻q版嘅對稱象仔，真係有一種離港既感覺。越味皇頂級生牛肉湯河，嚟食越南嘢當然係嗌返個生牛肉湯河先啦，碗湯河嚟到先呷一口湯，味道相當正宗，充滿牛肉嘅清香，河粉比起坊間既滑溜，牛肉嫩滑之餘仲帶有一點點既牛味，係一個相當唔錯嘅越南湯河。越味皇雜錦拼盤，雜錦拼盤有香脆雞翼，河內蒸粉包，越味皇炸春捲同埋香燒迷你蔗蝦，春捲炸得非常香脆，配埋每一台都有嘅越式酸汁就最好不過，迷你蔗蝦爽口彈牙，明顯無落到太多粉，足見真材實料，如果雞翼再入味一啲，相信會更加好。越式雞肉串燒，串燒雞肉外脆內軟，本身經已相當入味，嗰個沙爹汁可以唔使點。呢間餐廳都唔錯，下次可以再嚟試埋個牛柳粒紅飯。