Video
Read full review
2019-09-25
51 views
<WISH BBQ BAR & Restaurant >香港BBQ既地方都算多,但係喺鬧市裏面燒嘢食你試過未呢？尖沙咀WISH BBQ Bar & Restaurant 全新裝修全新班底連尖東醉人夜景露台配特色燒烤，仲有唱埋卡拉OK添！完完全全符合晒鍾意燒嘢食同唱K嘅我。任飲+任食BBQ平日 ($288起/位）假日 ($320起/位）*每位顧客可預訂海鮮拼盤($40/份)：虎蝦1隻，青口3件，生蠔2隻，扇貝1隻，秋刀魚1條 如果比較懶嘅你,可以選擇WISH BBQ BAR & Restaurant 最近推出全新嘅Restaurant Menu,有串燒, 海鮮拼盤、牛扒、意大利麵等。而我今次係職員嘅介紹吓揀咗幾款菜式，等vanvan喺度同大家介紹一下。必試串燒！雞肉串 豬頸肉串 日本北海道秋刀魚全部串燒都係即叫即燒，款式選擇有燒賣、 龍蝦丸,、牛丸、蜜汁雞翼,、牛肉、豬頸肉等。今次主要食咗肉類同海鮮類串燒，有雞肉串($25 /串)，牛肉串($25 /串),豬頸肉串($25 /串), 日本北海道秋刀魚( $28/條)，韓國半殼蠔($58/ 5隻)，韓國半殼帆立貝($58/
香港BBQ既地方都算多,但係喺鬧市裏面燒嘢食你試過未呢？尖沙咀WISH BBQ Bar & Restaurant 全新裝修全新班底連尖東醉人夜景露台配特色燒烤，仲有唱埋卡拉OK添！完完全全符合晒鍾意燒嘢食同唱K嘅我。
任飲+任食BBQ
平日 ($288起/位）假日 ($320起/位）
*每位顧客可預訂海鮮拼盤($40/份)：虎蝦1隻，青口3件，生蠔2隻，扇貝1隻，秋刀魚1條
如果比較懶嘅你,可以選擇WISH BBQ BAR & Restaurant 最近推出全新嘅Restaurant Menu,有串燒, 海鮮拼盤、牛扒、意大利麵等。而我今次係職員嘅介紹吓揀咗幾款菜式，等vanvan喺度同大家介紹一下。
必試串燒！雞肉串 豬頸肉串 日本北海道秋刀魚
全部串燒都係即叫即燒，款式選擇有燒賣、 龍蝦丸,、牛丸、蜜汁雞翼,、牛肉、豬頸肉等。今次主要食咗肉類同海鮮類串燒，有雞肉串($25 /串)，牛肉串($25 /串),豬頸肉串($25 /串), 日本北海道秋刀魚( $28/條)，韓國半殼蠔($58/ 5隻)，韓國半殼帆立貝($58/ 5隻)。特別要推薦既係雞肉串，豬頸肉串同日本北海道秋刀魚。佢依度既雞肉好厚身，雞肉嘅表面會有啲香脆，口感真係令我意想不到！超嫩滑 ！真係會令人一食就上癮！而依度嘅豬頸肉比較特別,佢係一粒粒， 所以一食落口就會更加感受到油脂嘅豐富，肉味更加濃郁。我平時對秋刀魚不大興趣，因為之前食秋刀魚嘅時候都會覺得有一啲苦味，而依度嘅秋刀魚應該係清洗得夠乾淨，所以食落去嘅時候完全冇咗苦味。唔好睇佢好似黑蚊蚊咁呀，其實燒得好香，魚肉亦都係油脂豐富，口感軟嫩，爭啲我幾乎自己食晒成條！
「蒜香茄汁大蝦燴意大利麵」($108/ 碟) 賣相幾好，有四隻大蝦。蒜香帶出咗大蝦嘅鮮味，意大利麵食到蒜香同蕃茄味，軟硬度啱啱好。唔好睇佢好似好細碟咁呀，直頭係三四個人嘅份量，兩個人食嘅話真係會大叫： 媽媽我不行了。
講明係BAR，食飽飯梗係要飲番杯
我分別點左一杯Mocktail同Cocktail「Fruit Punch」($68/ 杯)同「Sex On The Beach」($98/ 杯)。Fruit Punch味道比較香甜，口感好清新。Sex On The Beach酒精味比平時嘅濃，顏色同個名真係絕配，夠熱情火辣。
WISH BBQ BAR & Restaurant
地址：尖沙咀漆咸道南嘉芙中心4樓
Post