Video
Read full review
2008-12-16
6 views
禽晚同好朋友一齊慶祝我地嘅生日, 決定打破我地嘅傳統, 唔去buffet唔去蒲, 要去食齋!!!芝麻螺肉$30 真係好鬼得意, 個樣似似地不但止, 食落好彈牙, 醬汁亦學足真嘅一樣味, 友人明明話呢碟最麻麻(我幾鐘意食播), 反而食鬼哂我嘅-_-例湯$38 是日係木耳煲椰子湯, 有半煲都係渣, 多人食就唔夠湯分, 用佢地嘅碗計有5碗湯到, 本人覺得湯水稍為稀咗d, 唔夠濃郁, 不過咁嘅價錢比咁嘅貨仔都差唔多啦~沙拉腿球$68 味道唔錯, 入面嘅齋肉比較少而且好薄, 粉漿較厚, 不過食落唔油又好味, 酸汁入哂個粉漿度又令到佢好惹味播~香芋焗飯$56 正到爆...~~!!!好美味呀~我同友人都一致覺最好味嘅一個菜, 剛焗好嘅芋飯飄來一陣香味, 還放一塊芝士上面配炒過嘅飯, 芋頭已經係焗到完全淋哂, 一口食下去嘅嗰種creamy, 啱哂我嘅口味, 仲有d菇菇, 我飽到嘔都要食兩碗滿嘅!!海棠滑豆腐$55 一般啦不過不失, 豆腐好滑底部嘅蛋都滑, 有d菜粒食落去爽爽地冇咁寡P.S. 食完哂侍應突然端出兩碗煻水, 係花生麥米粥, 唔太稀又幾好味喎, 可惜飽過頭食咗一半就頂唔順喇, 唔洗錢送嘅認真
芝麻螺肉$30 真係好鬼得意, 個樣似似地不但止, 食落好彈牙, 醬汁亦學足真嘅一樣味, 友人明明話呢碟最麻麻(我幾鐘意食播), 反而食鬼哂我嘅-_-
例湯$38 是日係木耳煲椰子湯, 有半煲都係渣, 多人食就唔夠湯分, 用佢地嘅碗計有5碗湯到, 本人覺得湯水稍為稀咗d, 唔夠濃郁, 不過咁嘅價錢比咁嘅貨仔都差唔多啦~
沙拉腿球$68 味道唔錯, 入面嘅齋肉比較少而且好薄, 粉漿較厚, 不過食落唔油又好味, 酸汁入哂個粉漿度又令到佢好惹味播~
香芋焗飯$56 正到爆...~~!!!好美味呀~我同友人都一致覺最好味嘅一個菜, 剛焗好嘅芋飯飄來一陣香味, 還放一塊芝士上面配炒過嘅飯, 芋頭已經係焗到完全淋哂, 一口食下去嘅嗰種creamy, 啱哂我嘅口味, 仲有d菇菇, 我飽到嘔都要食兩碗滿嘅!!
海棠滑豆腐$55 一般啦不過不失, 豆腐好滑底部嘅蛋都滑, 有d菜粒食落去爽爽地冇咁寡
P.S. 食完哂侍應突然端出兩碗煻水, 係花生麥米粥, 唔太稀又幾好味喎, 可惜飽過頭食咗一半就頂唔順喇, 唔洗錢送嘅認真抵食~
可能依家食野越來越淡, 呢餐我都覺得太濃味喇, 友人又覺得啱啱好播, 不過如果唔濃味又好難扮得似呢?anyway, 食完飯冇口渴, good~
人大咗口味真係唔同咗, 食完呢餐我即刻愛上咗食齋, 真係好期待再有下次~
+$12前菜(係菠蘿)同茶位$3@加埋一 total 兩人埋單$292
Post