Video
Read full review
2020-01-23
1410 views
漫花燈火 萬花筒的世界❤️啱啱開張時上網見到已經好想黎，朋友早排去左更加係讚不絕口，終於令我下定決心試下啦💜一出lift見到既景象就係下面福圖咁。非常夢幻😍好似將自己縮細，放左入萬花筒的感覺💞五彩繽紛，色彩鮮豔🧡不同的鏡面照出多種顏色，望落好有活力心情開朗。睇得出餐廳好有心機為客人營造一個可愛美麗的打卡和用膳地方👍行入多幾步就到餐廳位置啦。店員將我地帶到粉紅座位❤️坐低就見到咁迷人的碟😍好鍾意呢款圖案呀。枱面仲有提供一支萬花筒，望下望下重拾童年的回憶😊香煎日本帶子黑松露忌廉意大利粉有驚喜！💙成日都覺得裝修太美觀的打卡餐廳，食物質素普遍麻麻，點知呢個意粉好食喎😎😋帶子厚肉，口感豐腴，又有彈性，好正😍黑松露汁creamy得黎沾麵，充分地沾在意粉上。加上意粉有嚼頭，texture軟硬適中滿意。醬燒大頭蝦意大利粉大頭蝦有蝦膏好正😋呢碟意粉同上面比，比較乾身，而且刺激度高d，食落都幾辣😂蝦肉爽口彈牙👍OMG古力沙冰沙冰的碎冰份量幾多，不過冇影響朱古力的濃度，雖然咁多冰，飲到最尾都仲濃，唔會變得太淡架。除左面頭的忌廉，仲加左綿花糖同朱古力醬🍫呢杯唔算係打卡飲品，不過味道唔錯👍森林和原野店內有外藉侍應，
啱啱開張時上網見到已經好想黎，朋友早排去左更加係讚不絕口，終於令我下定決心試下啦💜一出lift見到既景象就係下面福圖咁。非常夢幻😍好似將自己縮細，放左入萬花筒的感覺💞
五彩繽紛，色彩鮮豔🧡不同的鏡面照出多種顏色，望落好有活力心情開朗。睇得出餐廳好有心機為客人營造一個可愛美麗的打卡和用膳地方👍
行入多幾步就到餐廳位置啦。
店員將我地帶到粉紅座位❤️
坐低就見到咁迷人的碟😍好鍾意呢款圖案呀。枱面仲有提供一支萬花筒，望下望下重拾童年的回憶😊
香煎日本帶子黑松露忌廉意大利粉
有驚喜！💙成日都覺得裝修太美觀的打卡餐廳，食物質素普遍麻麻，點知呢個意粉好食喎😎😋帶子厚肉，口感豐腴，又有彈性，好正😍黑松露汁creamy得黎沾麵，充分地沾在意粉上。加上意粉有嚼頭，texture軟硬適中滿意。
醬燒大頭蝦意大利粉
大頭蝦有蝦膏好正😋呢碟意粉同上面比，比較乾身，而且刺激度高d，食落都幾辣😂蝦肉爽口彈牙👍
OMG古力沙冰
沙冰的碎冰份量幾多，不過冇影響朱古力的濃度，雖然咁多冰，飲到最尾都仲濃，唔會變得太淡架。除左面頭的忌廉，仲加左綿花糖同朱古力醬🍫呢杯唔算係打卡飲品，不過味道唔錯👍
森林和原野
店內有外藉侍應，想叫佢上甜品時諗左一陣個英文係咪叫the forest and meadow😂甜品造型非常吸引😍Tiramisu好似一個小石頭咁，有隻可愛的糖霜甲蟲係上面休息🐞草地則是綠茶海綿蛋糕，蛋糕粒散落一片，除左有幾朵糖霜小花同硬糖後，仲有藍莓增加清新口感。
Post
