愛麗絲的秘密花園 (Closed)

一早聽朋友講油麻地開左間「愛麗絲夢幻樓上cafe」，好多人來打卡。今日趁假期，我決定同朋友來一探究竟。一入來已經比夢幻嘅裝飾吸引，好似真係入左仙境，可見店主真係有心。特別設計了一個角落比客人影相，有各種道具，任你玩，啱曬情侶/閨蜜！我地兩個女仔忍唔住係度影左我諗有成半個鐘每一處的裝飾都別有用心，好似走進歐洲小鎮。店員十二分熱情，點餐前先賣了個關子，叫我地自己探索店家由美國帶返來嘅特色書。跟著就好詳細咁介紹左餐廳嘅食物，仲比左足夠嘅時間我地一路玩一路諗想食啲咩，真係好好服務。最令我地驚喜嘅係一個外型係筆記簿，打開係風琴檯燈！超夢幻！盞燈仲識變顏色，每次打開都唔同色，好好玩！我地叫左lunch set for 2，包兩個前菜，兩個main course，兩杯飲品同兩個甜品，都係$400+，個人覺得都抵。我叫左期間限定【抹茶拿鐵】。原來要自己勾，到完竟然可以見到好似拉花咁嘅奶泡，好神奇。特別鍾意個玻璃奶盒型樽，第一次見，好想買返屋企！個花花杯都好靓前菜係【雙醬雞亦】同【煙三文魚沙律】，葷素搭配。沙律菜新鮮，份量都唔少。好似加左小小黃芥辣汁，別有一番風味。呢度所有嘢都配合愛麗絲主題，連碟都係時