我知一個lunch 食到成百蚊，好似好奢侈
但當你見到呢個足料"真""盛"龍蝦湯泡飯 送到黎，你就會知道物有所值
間唔中都需要獎勵下自己
平時食開頹飯、味精野
但今次係成碗都好足料的龍蝦湯，啖啖鮮甜的海鮮味
Zoom 近一D, 小帶子粒、元貝、青口、蜆肉，仲有重點半邊龍蝦
好幸福!!! 我飲水量都好大架，KO呢個湯完住無難度呀
呢個點既醬汁不得了，辣辣地，好吊到個味，加分位黎
你都知青口有D位會有點苦澀味，依家點完，個鮮甜味昇華左
呢碟係必食之一, 墨魚手指拼魚腐
炸到脆卜卜墨魚手指好爽口
炸魚腐的空心感好特別
睇封相，我知我大食啦，不過為左呢餐我忍左口好耐架
今次要破一破戒。
蟹肉位漲卜卜，正
最後嘆埋呢杯回魂的炭燒咖啡，又可以繼續努力起星期六返工啦
