U-Banquet The Starview (Crocodile Center)

長假期即將結束, 訓到自然醒就同媽咪去咗觀塘「星海．譽宴」飲茶, 正好兩點係下午茶時段, 有數款點心、粉麵有特價優惠, 怪不得全場爆滿, 酒樓以深寶藍色做主調, 環境開揚, 設有一個小舞台, 適合結婚擺酒搞宴會。

海蜇併燻蹄

1

肉絲炒麵

【蝦餃王】HK$45.8: 蝦餃賣相飽滿, 皮厚薄適中, 鮮甜爽口蝦、筍粒、少少豬肉做餡料, 超滿足口感。

蝦餃王

【醬皇蒸鳳爪】HK$22.8: 鳳爪好入味, 鹹甜美味, 口感爽口有彈性。

醬皇蒸鳳爪

【蟹籽燒賣】HK$26.8: 下午茶特價點心之一, 超抵食! 燒賣皮好薄, 鮮蝦、豬肉、冬菇粒同埋蟹籽, 口感層次豐富又彈牙。

蟹籽燒賣

【鮮蝦腐皮卷】HK$36.8: 腐皮卷香脆, 包住了蝦粒、粟米粒、芹菜, 口感富有層次。

鮮蝦腐皮卷

【春風得意腸】HK$45.8: 腸粉包住了脆脆的炸網, 內有蝦粒、粟米粒、芹菜, 再以蟹籽做點驟, 層次更為豐富。

【菠蘿叉燒餐包】HK$32.8: 菠蘿包質地軟熟, 表面嘅皮雖然唔係脆, 但甜甜地, 配上惹味鹹甜叉燒粒做餡料, 正!

菠蘿叉燒餐包

春風得意腸

【原隻鮮蝦腸】HK$36.8: 滑滑腸粉包住大大隻爽口原隻蝦, 好足料。

原隻鮮蝦腸

【脆皮燒腩肉】HK$68: 燒腩肉雖沒有油光, 但皮脆肉嫩, 沾上芥辣, 配個白飯更正!

脆皮燒腩肉

【海蜇併燻蹄】HK$60: 燻蹄唔會過鹹, 燻蹄皮同埋海蜇非常爽口彈牙, 不錯的冷盤前菜。

【肉絲炒麵】HK$58: 估唔到下午茶特價, 份量都咁大碟!! 脆卜卜麵餅上淋上茨汁, 有部份麵吸咗個茨汁令口感濕滑, 配有肉絲, 整碟令人飽肚。