小火焰韓式咖啡廳 (樂富廣場A區) (Closed)

呢間餐廳印象中開咗一段時間，但都無去食過。今日一於試吓，見外賣有九折，就當然買走食啦。佢哋出菜都幾快，行開買嘢十分鐘後返去，已經有得攞。打開飯盒，炒飯舖滿紫菜，雞翼芝士冚住。炒飯入面有幾大塊泡菜。話係小辣，其實幾乎唔辣。鍾意食辣嘅人未必會滿足，但我就覺得只係用嚟吊味，叫做無白飯咁寡，所以OK。（真係完全唔食得辣嘅話，都可要求轉白飯。）雞翼有四隻，大大隻，個醬甜甜酸酸嘅，又別具一番風味。一個飯可以感受到兩個唔同嘅味道，甚有驚喜。午市送飲品，揀咗熱檸蜜紅棗茶。雖然都係用熱水沖嘅啫，但都足料都飲到味道仲有紅棗粒。唔會話為咗慳錢落細売，結果咩味都飲唔到。總括嚟講，呢個飯我都幾滿意，搵日會再去坐低食。