Video
Read full review
2018-12-02
860 views
早兩日見朋友ig story post咗呢間野，睇落幾正，第二日即刻約男朋友去食。呢間係主打現場音樂同任食邊爐嘅餐廳，好似係新開嘅。夜晚去食大約每位兩舊水，任飲任食兩個鐘。佢個鍋靚到，淨係嚟打卡都抵🤣我地叫咗個喇沙海鮮鍋，好似要加16x，入面啲料多到嚇親😂首先，每邊有兩隻大頭蝦，多膏，超鮮甜！個底仲有大量蜆同青口，淨係蜆都有三款，粒粒脹卜卜。個湯底濃味，豆卜吸哂啲湯食簡直一流！任食方面，佢肉類都非常唔錯，肥牛唔太肥，有肉味。羊肉少少膻味，不過都唔錯。仲有個麻辣牛肉，必試！滑得嚟又香麻味，但唔食得辣嘅親小心喇！佢呢到仲有比較少見嘅黑柏葉，比一般牛柏葉濃，都可以一試。今晚表演嘅係兩個女仔，歌路都好廣，懷舊歌、英文歌咩都有。唯一唔好嘅係音樂好似太大聲，傾計有啲辛苦。但坐就坐得幾舒服，侍應嘅服務亦都好好。值得一試
呢間係主打現場音樂同任食邊爐嘅餐廳，好似係新開嘅。夜晚去食大約每位兩舊水，任飲任食兩個鐘。佢個鍋靚到，淨係嚟打卡都抵🤣
我地叫咗個喇沙海鮮鍋，好似要加16x，入面啲料多到嚇親😂首先，每邊有兩隻大頭蝦，多膏，超鮮甜！個底仲有大量蜆同青口，淨係蜆都有三款，粒粒脹卜卜。個湯底濃味，豆卜吸哂啲湯食簡直一流！
任食方面，佢肉類都非常唔錯，肥牛唔太肥，有肉味。羊肉少少膻味，不過都唔錯。仲有個麻辣牛肉，必試！滑得嚟又香麻味，但唔食得辣嘅親小心喇！佢呢到仲有比較少見嘅黑柏葉，比一般牛柏葉濃，都可以一試。
今晚表演嘅係兩個女仔，歌路都好廣，懷舊歌、英文歌咩都有。唯一唔好嘅係音樂好似太大聲，傾計有啲辛苦。但坐就坐得幾舒服，侍應嘅服務亦都好好。值得一試
Post
