泰王海南雞

餐廳係紅磡廣場地下外既鋪頭，可以堂食/外賣。當日堂食好有大排檔feel，食得好滋味。價錢親民，外賣仲有優惠。

泰王去骨海南雞配油飯

叫左泰王去骨海南雞配油飯($46)，泰王去骨元蹄金邊粉($46)，跟餐有飲品附送。

泰王去骨海南雞配油飯

$46

雞肉滑嫩，重點係雞皮爽，每件既肉及皮都相連，唔會散開。配埋薑蔥蓉/泰式醬料更惹味。

油飯粒粒都沾滿油香，唔乾。仲有豆角伴碟夠健康。

泰王去骨元蹄金邊粉

元蹄同湯麵分開上，好貼心。

泰王去骨元蹄

鹵水味濃郁，帶甜，元蹄肉嫩軟，炆到個皮好軟糯好黏，好入味。而且意想不到既大份。

金邊粉

金邊粉湯底微辣，一大碗份量好多，麵條唔會一夾就爛。

泰式龍眼冰，熱豆漿

泰式龍眼冰清甜，難得跟餐可以免費提供唔駛加錢。每杯直接放入雪櫃雪凍，仲有龍眼肉可以食添。

西米露，冬瓜湯

糖水西米露啖啖椰香，唔算好甜，飯後食一碗好滿足。而冬瓜湯清新，仲有幾件大冬瓜，食油飯配湯一流。

整體，好少餐廳仲有露天feel，所以今次好有地道感覺。而且小店好親切，侍應仲好有心服務好。抵食兼足料呀。