Video
Read full review
2023-02-25
51 views
今日放假，約埋朋友放肆吓，lunch都要食放題。朋友細食、愛多元化、仲要有特色，我地決定揀台式火鍋放題，一次過滿足我地多個願望。呢度座位闊落、光猛、多款食材選擇。特別要讚呢度職員，細心又勤力，當發現自助區有掉落嘅嘢食時，職員會馬上整理收拾，所以呢度衛生都唔錯。 我地揀左兩個特色湯底：美顏花膠竹絲雞🐓，仲有藥膳牛骨鍋🐃。鍋底材料十足，花膠，烏雞，黨參，紅棗樣樣都有，可以乘機進補、兼美顏😃。看到自助區嘅蔬菜櫃時，勁開心，因為雨衣甘藍、皇帝菜、西洋菜、蘿蔔、鮮淮山、蟲草花、菇類、雲耳……全部都係心頭好。 有大量蔬菜食，肉類再隨心點了多款。以蛋白質代替澱粉質嘅我，點了多款豬牛雞：包括美國肩胛肉、牛舌、豬肉片、日本蟹棒、雞翼、牛百葉等等。 火鍋放題點可以錯過熟食?!酒醉雞翼尖、麻辣豬脷、醉豬手、泡椒魚皮、水牛芝士、響鈴……款款都惹味，真係會食唔停口。 女生嘅第二個胃一樣要滿足吓，各式雪條之中，當然首選榴槤雪條啦；仲食左滑捋捋布丁、台式甜品嘅三色芋圓非常有咬口、最後仲食埋清腸胃嘅乳酪、蜜瓜同火龍果。 😅飲品選擇超多，清酒、梅酒、啤酒、自家品牌特色冰茶，個人覺得人參烏龍茶幾出色；除左凍飲，呢度仲有熱
呢度座位闊落、光猛、多款食材選擇。特別要讚呢度職員，細心又勤力，當發現自助區有掉落嘅嘢食時，職員會馬上整理收拾，所以呢度衛生都唔錯。
我地揀左兩個特色湯底：美顏花膠竹絲雞🐓，仲有藥膳牛骨鍋🐃。鍋底材料十足，花膠，烏雞，黨參，紅棗樣樣都有，可以乘機進補、兼美顏😃。
看到自助區嘅蔬菜櫃時，勁開心，因為雨衣甘藍、皇帝菜、西洋菜、蘿蔔、鮮淮山、蟲草花、菇類、雲耳……全部都係心頭好。
有大量蔬菜食，肉類再隨心點了多款。以蛋白質代替澱粉質嘅我，點了多款豬牛雞：包括美國肩胛肉、牛舌、豬肉片、日本蟹棒、雞翼、牛百葉等等。
火鍋放題點可以錯過熟食?!酒醉雞翼尖、麻辣豬脷、醉豬手、泡椒魚皮、水牛芝士、響鈴……款款都惹味，真係會食唔停口。
女生嘅第二個胃一樣要滿足吓，各式雪條之中，當然首選榴槤雪條啦；仲食左滑捋捋布丁、台式甜品嘅三色芋圓非常有咬口、最後仲食埋清腸胃嘅乳酪、蜜瓜同火龍果。 😅
飲品選擇超多，清酒、梅酒、啤酒、自家品牌特色冰茶，個人覺得人參烏龍茶幾出色；除左凍飲，呢度仲有熱茶提供。
自助區仲有勁多丸類可揀，就連我每次遊台必食嘅豬血糕都有😋
開開心心食足兩個鐘，嘴巴忙得不可開交。價錢ok，食品種類繁多，值得下次再嚟。
Post
