翠河餐廳 (Closed)

星期六趕project成11點先食晚飯，天寒地凍，好多舖頭都關門！雖然如此，對面街嘅翠河仍然燈火通明，裡面有好多客人，可謂人氣非常旺盛！由於飢寒交迫，明知咁夜唔好食得太飽（怕難消化瞓唔著），但我都忍唔住想叫個飯！所以，我就叫左＂宵夜特區＂其中之一嘅窩蛋免治牛肉飯，連埋餐飲凍奶茶，只係$37！ 食食下，見電視突然轉台，哦，唔怪之得越夜越多人客啦，原來今晚有曼聯對狼隊添，最後紅魔鬼以4：1大勝添！講番個飯，食得出佢Ｄ免治牛肉係用蕃茄汁襯底，好香口入味之餘，份量亦絕對足夠撈晒成碟飯；加埋隻窩蛋，無論搗勻落Ｄ飯度食，抑或先啜左個蛋黃先，一樣咁惹味！