波子味 (Closed)

【旺中系列】相信無一個90後會唔識旺中呢個潮流聖地，想當年大家都以自己能夠散發住一陣mk味為傲😂今時今日旺中多左好多野食，趕🐷宗旨都係想試啲分店唔多過三間既小店😋.🧡芒果軟殼蟹卷 $25本身掙扎緊食手卷定呢個卷，結果覺得手卷好難share食，所以揀左呢個😅有4舊，軟殼蟹炸到好脆身，佢啲飯唔係白色醋飯咁簡單，食落暖暖地，面頭芒果有啲啲酸，反而幾夾幾開胃👍🏼.🧡蟹肉蟹膏玉子燒 $17呢個有少少失望🤏🏼首先係佢啲蟹膏質地好稀，食落仲有啲腥🙈玉子唔錯，岩岩燒起甜甜地暖暖地，但係面頭個蟹柳無咩蟹味，加上又係凍架喎，可能想做到冷熱交替既感覺啦，不過趕🐷覺得好似成個都熱食感覺好啲