趕🐷當日去係星期六中午，人流唔係好多，見舖頭都有位，但見有唔少同趕🐷一樣既外賣單，加上伙記唔多所以做到踢晒腳，落單既時候已經講到明要等15分鐘⏳大家預定時間喇
.
🧡台式蛋餅 (玉米) $38
$38包一款配料，如果想再加就每樣加$5，有玉米/肉鬆/芝士/鮪魚 (吞拿魚) 揀，趕🐷揀左粟米有啲失策，因為啲粟米散收收會跌晒出尼，加上趕🐷用筷子食又輪輪盡盡😅無一舊係成功一啖蛋餅連粟米一齊食，每舊都要放左蛋餅入口先再夾粟米😂建議大家用羹食🥄或者叫其他三款配料感覺都唔會咁散，個蛋餅有少少煙韌感覺，本身無咩味，調味係晒個豉油度，好似煲仔飯果啲豉油咁，加埋粟米本身既甜，成個蛋餅就變左甜甜地唔太咸，幾岩趕🐷口味
.
🧡雞肉滷蛋飯 $32
見佢個價錢仲平過個蛋餅就估到佢份量唔會好大，而舖頭其實都係列佢入輕食既行列🤪粒滷蛋無咩特別，正正常常🥚啲雞肉有滑有鞋，因為取自兩個唔同部位，不過其實佢每舊雞都唔會好大舊，所以鞋極有個譜，同埋佢一梳梳咁食落係有肉絲既質感😆另外飯做得唔錯，趕🐷最怕食爛飯一patpat，呢個有做到粒粒分明🍚本身趕🐷無去過台中唔太識欣賞，不過同行朋友話有嘉義既味道
.
🧡大腸麵線 (走青) $38
可以揀唔要大腸轉蚵仔🦪原本應該有啲芫荽既趕🐷諗，不過比趕🐷走左😅所以佢名符其實得返大腸同麵線，以為佢會有啲筍絲果啲配料，係無既🙈大腸偏爽，有咬口，令到成碗野有返啲口感，對於非常鐘意食麵線既趕🐷尼講依然覺得好食😋
.
🧡荔枝綠茶+椰果 (微甜少冰) $25 🧡百香果QQ (微甜少冰) $24
QQ係椰果加珍珠，就算叫左微甜趕🐷都覺得偏甜😅應該係因為啲椰果同QQ平身都帶糖漿，所以建議大家叫記得都叫少甜或者微甜🧋
