嚟呢間餐廳食過幾次午餐，今日叫咗一個薄餅和一碟糙米飯。薄餅上面嘅火箭菜顏色偏黃，明顯係唔新鮮，個薄餅亦唔熱。糙米飯要過咗半個鐘才上枱，應該係等埋另一個order一齊造。碟飯唔熱；唔算難食，但係唔覺得好食。
啲侍應行來行去都唔會主動收拾枱上嘅吉碟。你叫一次佢收一次。張枱已經夠哂細，仲點放到咁多嘢呢？
旁邊來了一個五、六十歲嘅女仕，個經理多次稱呼佢做靚女。雖然呢間唔算係高級餐廳，但係咁樣嘅稱呼聽起來一啲都唔覺得親切，反而有啲反感。仲以為自已行咗入街市或者茶餐廳！
11時37分入座，明明用餐時限係60分鐘，但係到咗12時29分，個侍應突然企响我哋面前，印埋張單要求我哋埋單！嗰陣我哋仲飲緊杯冰茶，環顧四周有唔少吉枱，餐廳門口亦只有一、兩個客等緊安排入座。擺明係趕客！
明白做飲食業翻枱係緊要。餐枱已經咁細張，仲擺到密質質，其實啲客人都唔想坐咁耐，食完就會走啦。既然未到用餐時限，又有吉枱，點解要咁急趕客呢？
唔會再幫襯呢間餐廳。
