紫 (Closed)

男友生日想食鐵板燒，係openrice茫茫大海中，搵到呢間日式鐵板燒。套餐形式上菜，我同男友分別揀左燒海鮮同厚燒和牛。圍住鐵板爐邊睇廚師燒 ，邊享受美食！所有食材都好新鮮，龍蝦、鮑魚活生生咁呈上，不得不提是晚Teppan head chef 鐵板燒技術一流，樣樣都燒得岩岩好，由頭食到尾非但無油膩感覺，用簡單嘅調味就帶出食物的鮮味，好幸運趕上呢程尾班車。聽聞鐵板燒做到十月中就唔做，轉做其他菜式，有點可惜，因為係香港要食到好食嘅鐵板燒，唔係易事，尤其 好廚師難求。做餐飲，除左客服，靈魂所在都係廚師同食材品質。題外話，餐廳自製咖哩雪糕係好味特別嘅。