美滋鍋 (家樂坊)

Open Now

Now Closed

突然想食火鍋，姐姐話在旺角附近不如去美滋鍋，掛住個湯底，招牌膠原蛋白養顏美容鍋之前食過一次，啲湯真係好潤，膠原豐富，裏面的玉子豆腐滑到不得了，又有瑤柱，有些菇，一飲就三碗，超正啊！ $218鍋值得。個鍋唔可以配太雜的火鍋料，我揀了花雕金榜雞，安格斯小牛排，手打烏冬，魚三角，娃娃菜，兩個人基本上都已經好夠。喜歡佢全部都可以半份上，試多幾款，而價錢是整整一半，唔會半份不及一份抵，適合人少食飯。用呢個湯底令到啲雞好滑，有少少酒香，建議必點魚三角，全條魚最滑的肉，應該是大魚，估唔到淡水魚一啲都唔腥。烏冬、娃娃菜配呢個湯又絕配，加少少自調蒜醬，真是美感美味俱備。點了無限飲竹蔗茅根，呢餐更加潤。