咖啡弄 (Closed)

唔知係咪隔離飯係香D，香港既咖啡弄總是人山人海的等候入場食，有如宗教朝聖一樣。不過，每次等入咖啡弄都總是弄得成肚火；特別係係大熱天時下等入去果吓，真係熱到無朋友果隻。我知唔關你事，但係咁多人拜訪，可否換個好些既地方呢？等唔係一個問題，問題係等完之後每次入去食都好像被趕的樣子，好讓門外既等候既人可以盡快入場做下一輪生意。等就幾個鐘，食就一個鐘都無，要去這裡食的朋友這一點可要記得列入考慮之列。食物方面，牛角包咁多次食過都叫做保持到一貫水準；但係飲品就唔知係我和朋友味覺有問題，還是咖啡冰多個糖漿配料等，同一杯飲杯每次喝完的感覺是……越來越淡。另外，出名的窩夫，除了保持到厚得來不硬鬆化的感覺外，配料又如飲品一樣，每況愈下。其實咖啡弄去了不下十次，但每次去都總給我一種越做越普通的感覺。也許，出了名多人幫襯就開始和某電視台一樣，進入是是旦旦階段。真心的，台灣的咖啡弄還可以叫做值得光顧，但香港則……不好說。期望下次再食既時候，會比今次好一點點啦！