Video
Read full review
2009-10-17
17 views
今日係囝囝生日,我由得佢想食乜,佢話食得中餐太多,想轉下食西餐,其實我心目中好少少既會落去粉嶺中心另一間,不過花都廣場有黃金樂園,又答應左比佢玩,之前食過唔係特別好,都未至於差既,結果係咁諗就出事啦.原先係住戶有既九折先取消左,食品又加晒價,都算啦,如果好食都無問題.三大兩小唔食得幾多,囝囝左睇右睇,竟然想食咸豬手,我就選二人套餐.太混亂啦,都唔想一樣樣講,因為細囝事後嘔吐.湯有紅白兩款,紅湯係羅宋湯,無飲唔知唔講,白湯係忌廉湯加入菠菜絲,夠香滑,但草菇都無粒,真係乜料都無.前菜 : 法式焗田螺釀鮮蘑菇 : 田螺肉霉,蘑菇出水,薯蓉開水攪貨色.焗野菌龍蝦汁海魚柳飯 : 飯太乾身近付硬,好油,魚柳無味,唉!焗法式大啡菇伴特級牛柳 : 牛柳厚切大半手掌咁大,下面又係薯蓉,上面係一舊大啡菇,牛柳雖然夠淋,但醃到無乜肉味,薯蓉多到睇見都飽.照燒德國咸豬手 : 照燒汁係日式野,個人覺得混入西式元素無問題,先講豬手,真係好大件頭,足足有半隻碟咁大,肉多,但時間掌握得好,夠煙韌又唔會咬唔落,其實係幾好既,如果一個人食都幾'膩'下,意粉乾身左d,但問題不大,可以接受.照燒汁稀釋左,唔太濃郁,ok.不過
原先係住戶有既九折先取消左,食品又加晒價,都算啦,如果好食都無問題.
三大兩小唔食得幾多,囝囝左睇右睇,竟然想食咸豬手,我就選二人套餐.
太混亂啦,都唔想一樣樣講,因為細囝事後嘔吐.
湯有紅白兩款,紅湯係羅宋湯,無飲唔知唔講,白湯係忌廉湯加入菠菜絲,夠香滑,但草菇都無粒,真係乜料都無.
前菜 :
法式焗田螺釀鮮蘑菇 : 田螺肉霉,蘑菇出水,薯蓉開水攪貨色.
焗野菌龍蝦汁海魚柳飯 : 飯太乾身近付硬,好油,魚柳無味,唉!
焗法式大啡菇伴特級牛柳 : 牛柳厚切大半手掌咁大,下面又係薯蓉,上面係一舊大啡菇,牛柳雖然夠淋,但醃到無乜肉味,薯蓉多到睇見都飽.
照燒德國咸豬手 : 照燒汁係日式野,個人覺得混入西式元素無問題,先講豬手,真係好大件頭,足足有半隻碟咁大,肉多,但時間掌握得好,夠煙韌又唔會咬唔落,其實係幾好既,如果一個人食都幾'膩'下,意粉乾身左d,但問題不大,可以接受.照燒汁稀釋左,唔太濃郁,ok.
不過要彈伙記,一來唔識比碟客人(有小朋友在坐,一般都要碗同碟等大家share),唔單只我呢檯,有兩三檯都係d野食上晒檯都未有.
其次成檯都係食完既麵包籃,'吉'碟都唔會收,放低野食就轉身,做乜呀?
一蟹不如一蟹,盡可能都唔會再去啦.
p.s : 無影食物相係因為啱啱無電,頂!
Post