火五越式牛肉粉專門店 (華生樓) (Closed)

Lunch time同同事食飯，行過見呢間越南餐廳多人捧場，決定一試，一試之下好有驚喜。火五熟牛肉湯濛（多粉）以前食過一兩間連鎖越南餐廳，佢地嘅粉都普遍好細碗唔夠食。而呢間火五竟然有得揀多粉，加底仲要免費，。黎到碗粉真係超大粉量，超級滿足。熟牛肉煮得入味，好香濃。仲會配搭好多越南野特有嘅配料，食落都好正宗。大蝦春卷撈濛同事加左撈濛，佢無叫多粉，但係份量都好多，好夠食。大蝦同春卷都即炸夠香脆。配左越式酸汁，酸酸甜甜，香味十足，天氣咁直熱之下食完食完好開胃清爽。意大利黑醋雞翼即炸雞翼大大隻，配埋黑醋唔會油膩仲好惹味。仲配左青檸再增添一d越式風味。越式三色冰椰汁味香濃，加埋三色「啫喱？」，有野咬下，飲落好舒服清涼曬，好似置身於越南椰林樹影之下。越式香滑濃咖啡同事話咖啡味夠香夠濃，有咖啡豆果香味，係好味嘅。餐廳仲配埋好多越南風味嘅醬汁俾你加落去嘢食度，有是拉差醬、沙嗲醬同海鮮醬，都好有越南味道架。