Video
Read full review
2011-04-24
187 views
有次星期六，行去中環威靈頓街，經過中遠大廈望到 "Bun Me !" ，個店名咁得意？ 食咩架？一睇之下，原來食越式法包及越式春卷！可以搵日一試！記得之前幫襯過 "Chez Meli Melo" 食正宗法式麵包，我想比較一下越式法包及正宗法包嘅分別！正宗法式麵包：法包質感較為煙韌，包面略帶硬身，比較有口感！餡料方面：法國火腿、法國小黃瓜、雞肉、生菜、蕃茄、配上牛油或蛋黃醬....等。口味頗為健康！"Chez Meli Melo" ( 英文食評) 「編輯推介」http://www.openrice.com/restaurant/commentdetail.htm?commentid=2127897"Bun Me" 越式法包：我叫咗：經典越式法包 + 湯 $45兩位店員分工合作之下，5 分鐘可以取走外賣。尚算快！經典越式法包：以法包包住越式餡料，包身氣孔大小適中，只係室溫，完全沒有一點微暖！ 包質亦有點煙韌；餡料十分豐富！包括：紅椒絲、洋蔥絲、紅蘿蔔絲、芫茜、叉燒、扎肉等。紅蘿蔔絲被醋醃得酸酸地，確實幾醒胃！ 叉燒及扎肉刨到薄如紙！不過食落好 dry！ 叉燒起碼有四塊，份量雖然不少，但係
記得之前幫襯過 "Chez Meli Melo" 食正宗法式麵包，我想比較一下越式法包及正宗法包嘅分別！正宗法式麵包：
法包質感較為煙韌，包面略帶硬身，比較有口感！
餡料方面：法國火腿、法國小黃瓜、雞肉、生菜、蕃茄、配上牛油或蛋黃醬....等。
口味頗為健康！
"Chez Meli Melo" ( 英文食評) 「編輯推介」
http://www.openrice.com/restaurant/commentdetail.htm?commentid=2127897
"Bun Me" 越式法包：
我叫咗：經典越式法包 + 湯 $45
兩位店員分工合作之下，5 分鐘可以取走外賣。尚算快！
經典越式法包：以法包包住越式餡料，包身氣孔大小適中，只係室溫，完全沒有一點微暖！ 包質亦有點煙韌；餡料十分豐富！包括：紅椒絲、洋蔥絲、紅蘿蔔絲、芫茜、叉燒、扎肉等。紅蘿蔔絲被醋醃得酸酸地，確實幾醒胃！ 叉燒及扎肉刨到薄如紙！不過食落好 dry！ 叉燒起碼有四塊，份量雖然不少，但係食落唔係太覺！同樣搽上牛油，配合法包，感覺清新！無疑係一個不錯嘅 crossover ！
相比之下，我會較喜歡越式法包特色口味！食完呢個越式法包，令我想起有間位於屯門嘅法式裝修越南餐廳我幾鍾意，不妨介紹給大家！
"Saigon Bistro" 「編輯推介」
http://www.openrice.com/restaurant/commentdetail.htm?commentid=2124611
湯 - 洋蔥湯
另有雜菜湯，其實食完洋蔥，恐怕會幾大口氣！ 希望煮熟嘅洋蔥湯唔會令我有太大口氣！
洋蔥湯熱辣辣！ 洋蔥絲切得未算幼身，勝在好腍而且好入味，由於份量唔多，洋蔥味自然較薄弱！加上香料、好惹味！ 幸好，只係些少油！算係清清地嘅洋蔥湯。
之前，去過中環 "Frey & Ford" ，洋蔥湯用上法國洋蔥，洋蔥味十分濃烈，連唔食洋蔥嘅我都接受到！"Frey & Ford" 「編輯推介」
http://www.openrice.com/restaurant/commentdetail.htm?commentid=2135939
個店名叫 "Bun Me !" ，總算無搵我笨！
Post
