南越南咖啡廳

Open Now

Now Closed

早一個星期同老友通電話，已經好耐冇見佢，佢知我近年尾工作好忙，壓力又比較大，特登約我週末食飯，話美味食物係最好減壓嘅方法之一🤭，有咁關心我嘅老友，直頭心裏感到一陣陣嘅暖意，老友結果帶咗我嚟呢間樓上嘅越南餐廳食午餐。🐷惹火上身咸寧豬頸肉$68豬頸肉上邊有張黑色類似紙張嘅物體，店員哥哥用火槍一點，成盤豬頸肉馬上着晒火🔥，直程有熊熊烈火嘅感覺，幾得意；豬頸肉配埋咸檸醬食得好開胃。🐖NVN咖啡骨$78「咖啡骨」用個咖啡杯裝住，上邊有一堆白色高高嘅棉花糖，餐廳再提供一壺咖啡，將咖啡倒落棉花糖上邊，棉花糖會溶開，成個賣相幾靚幾得意；「咖啡骨」係豬軟骨，軟熟微甜。🐮嫲嫲南越湯 招牌金邊粉$88有牛尾、牛肉丸、牛面珠、油條、牛肉片、牛筋，其中牛尾非常大件好多肉；金邊粉幾煙韌，配濃郁嘅牛肉湯底幾好食😋。✨脆米紙薄餅$54上邊有青瓜絲、紅蘿蔔絲、越南臘腸粒，配埋脆卜卜嘅脆米紙，清新又香口。🦐差不多一尺蝦$138一尺長嘅大蝦好新鮮，肉質結實鮮甜，配埋切到好幼焗到脆卜卜嘅芋頭絲，呢個好好味😋。🍋柑桔檸檬綠茶$23🌿斑蘭龍眼茶$23兩個都唔係好甜，幾清新，各有風味。