越味皇 (Closed)

今日食左個好惹味既越南餐。呢間野真係唔錯。餐廳裝修新穎，坐得都好舒服。叫左個頂級生牛肉湯粉。好大碗既生牛肉粉。牛肉用湯既餘溫整熟，質感軟同有彈性。牛肉仲好甜。成兜粉加埋啲撈蒙汁，酸酸地又有少少辣，好味。叫左個柚子鮮蝦沙律。柚子加埋酸辣沙律既口感真係一流，好fresh，好消暑，辣味越食越開胃。蝦又新鮮彈牙，同柚子酸辣汁真係好夾，唔同既口感加埋一齊食，呢個組合配搭得好。再黎個道地既牛油果冰沙。去越南必飲。今日又搵返係越南既味道。熱辣辣既天氣加埋呢杯，質感厚滑既牛油果冰沙，停唔到口。牛油果加左奶，真香味更加特出，好快就飲完一杯，好正。太多野食仲未食到。下次會再黎！