Video
Read full review
2009-09-15
10 views
由呢間漢堡店開業起計算，我已經光顧了十多次，應可算是熟客仔了，不過唔知道呢間店係咪自以為出咗名﹝因為都有雜誌介紹﹞，除咗食物水準每況愈下，就連員工態度都變得不可一世、自以為是，最近兩次光顧仍是這樣，令我覺得忍無可忍，實在不得不寫下這篇食評。先講態度，特別要點名批評一名負責沖飲品的男仔，肥肥地，粗粗魯魯的，對上兩次光顧，他給我的印象係極差，直頭係想當面直斥，但心諗何必塞錢入佢袋呢？首先，呢位仁兄沖飲品時完全沒有標準，買佢啲士多啤梨或提子梳打，一時可以沖到好淡，一時則當支糖水係玩具、完全冇計算份量就狂噴入杯，仲要係一面噴一面自己噴口水喺度叫，搞到上次我杯梳打甜到冇朋友，佢仲要衰衰格格咁，咁啱支糖水用完，佢嚟手就走去後巷，膨一聲就將個糖水桶就咁劈落地，亂拋垃圾罰千五呀大佬。佢的待客態度亦係超差，話說上次幫襯，店內另一個負責整包的女仔，帶咗班朋友嚟，結果呢個男仔全程掛住同班女仔傾計，冇理到客人，亦放低啲飲品唔沖，言談間更高聲粗口橫飛，令人反感。而令我更反感的，是這人明知我是客人，卻揚手示意叫我行開，好等我讓個位比佢同班女仔傾計，然後，仲企正喺我隔離吸煙，令啲二手煙不停噴落我度。希望呢間漢堡店的
先講態度，特別要點名批評一名負責沖飲品的男仔，肥肥地，粗粗魯魯的，對上兩次光顧，他給我的印象係極差，直頭係想當面直斥，但心諗何必塞錢入佢袋呢？首先，呢位仁兄沖飲品時完全沒有標準，買佢啲士多啤梨或提子梳打，一時可以沖到好淡，一時則當支糖水係玩具、完全冇計算份量就狂噴入杯，仲要係一面噴一面自己噴口水喺度叫，搞到上次我杯梳打甜到冇朋友，佢仲要衰衰格格咁，咁啱支糖水用完，佢嚟手就走去後巷，膨一聲就將個糖水桶就咁劈落地，亂拋垃圾罰千五呀大佬。
佢的待客態度亦係超差，話說上次幫襯，店內另一個負責整包的女仔，帶咗班朋友嚟，結果呢個男仔全程掛住同班女仔傾計，冇理到客人，亦放低啲飲品唔沖，言談間更高聲粗口橫飛，令人反感。而令我更反感的，是這人明知我是客人，卻揚手示意叫我行開，好等我讓個位比佢同班女仔傾計，然後，仲企正喺我隔離吸煙，令啲二手煙不停噴落我度。
希望呢間漢堡店的老闆會看到這個食評，希望你唔好比一時暢旺既生意沖昏頭腦，如果想你間店不至執笠，強烈建議你炒咗呢個員工。我衷心希望呢個人唔會係老闆的皇親國戚而唔炒得，認真。
而另一個女仔，亦一面整包，一面大大聲咁隔空同出面班女仔傾計，喂你啲口水係咁噴落我個包囉，而且睇住佢地隻手摸過好多嘢、食完煙、倒過垃圾，然後又走番入店，徒手掂啲包同放入焗爐，而間店又咁細，我親眼睇住，實在感到很嘔心，你可唔可以至少到抺下隻手先直接掂啲食物呢？或者戴番個手套都好丫？
二講食物質素，初頭搞Promotion買套餐免費轉芝士薯條，係一個好主意，那時候的芝士亦濃得交關，好好味，到後來要加3蚊先可以轉，Fine，好食的話比錢有乜所謂？但唔知係咪最近芝士價隨金價急升呢？唔單止芝士份量少咗好多好多，就連濃度都溝到稀晒，搞到乜味都冇，令食物大打折扣。飲品就正如以上所言啦，梳打時甜時淡，完全冇QC，只係根據個沖飲品男仔的心情，咁就死得人多啦。
好喇，終於到個包，我想講退步程度真係好大，首先係舊牛肉份量細咗，同埋已經冇咗以前果種濃厚肉味，而我本來最喜愛的芝士磨菇漢堡，磨菇分量亦少咗，而且我試過加錢要煙肉，結果個女仔係掛住同人傾計，而冇加到煙肉，搞到我返公司先發覺囉！唔通特登行番10分鐘路，走落街同你追番塊煙肉咩，但你做嘢可唔可以專心啲呀！
忠言逆耳，真係好希望呢間舖既員工態度能夠改善，否則我相信好快會惡評如潮，再係咁落去，我寧願幫襯番Burger King都唔會再做佢生意.....
Post