Video
Read full review
2019-08-20
383 views
我時不時都會同同事推介下餐廳比對方，有一次佢好嬲又失望咁同我講，呢間串燒餐廳明明確認左佢個BOOKING，但係出席當日先致電通知由於比人包場，所以取消佢個BOOKING，呢個經營手法相當令人不滿。最後佢當然佢無試到呢間餐廳啦，估唔到佢因為咁而避過一「伏」。平時我好少寫放題餐廳既食評，因為食物種類太多，而OPENRICE可供上載既相片數量太少，齋文字既食評又太沉悶，但今次呢間真係唔評論唔得，因為真係唔想其他人中伏。環境及服務方面：講食物之前，先講呢度既服務、態度、環境。我比較好彩，BOOK左枱無比餐廳臨時放飛機，不過無論電話BOOK枱定入座，餐廳都無講限時2小時，理據係廣告牌有寫到，唔需要特別提客人。好，就同你講廣告牌，廣告中話「四位以上送既海鮮盛肉盤」，但實際並無黑毛豬腩件、牛肉丸、有機啡菇。失實。而呢個海鮮拼盤前前後後共吹左三次，最終係入座後9個字先送到，職員表示因為要新鮮劏。(注意只係新鮮劏，因為朋友表示份到既龍蝦肉係霉既，而我好彩無份到。)每樣海鮮如按餐廳指示既時間烹調，根本燒唔熟，仍然半生狀態，最終仲要加多十幾分鐘先燒熟。結果我地只燒龍蝦同鮑魚，貴妃蚌、魚、蠔、帆立貝全部放入邊
平時我好少寫放題餐廳既食評，因為食物種類太多，而OPENRICE可供上載既相片數量太少，齋文字既食評又太沉悶，但今次呢間真係唔評論唔得，因為真係唔想其他人中伏。
環境及服務方面：
講食物之前，先講呢度既服務、態度、環境。我比較好彩，BOOK左枱無比餐廳臨時放飛機，不過無論電話BOOK枱定入座，餐廳都無講限時2小時，理據係廣告牌有寫到，唔需要特別提客人。
好，就同你講廣告牌，廣告中話「四位以上送既海鮮盛肉盤」，但實際並無黑毛豬腩件、牛肉丸、有機啡菇。失實。
而呢個海鮮拼盤前前後後共吹左三次，最終係入座後9個字先送到，職員表示因為要新鮮劏。(注意只係新鮮劏，因為朋友表示份到既龍蝦肉係霉既，而我好彩無份到。)
每樣海鮮如按餐廳指示既時間烹調，根本燒唔熟，仍然半生狀態，最終仲要加多十幾分鐘先燒熟。結果我地只燒龍蝦同鮑魚，貴妃蚌、魚、蠔、帆立貝全部放入邊爐鍋煮。原因係「根本唔夠時間燒!!」
除此之外，無論2人定好似我地咁7位都係得一個爐，都係限時2小時；個爐有18個位放串燒，但由於食物太大件，放滿哂18格根本自轉唔到，最理想係放9串。即係7個人每ROUND每人份得1.28串，仲要每串份量唔多，到離場都食唔飽….所以強列建議如果超過4位朋友，千祈唔好黎食，因為真係唔夠時間燒!!!咁餐廳都好貼心，除左串燒外，都比個鍋仔我地打下邊爐，烚下菜食住先。揀左清湯既我地，見到果煲透明既「清湯」，真係O哂咀。心諗應該真係太清，所以先無色姐，但原來煮完既菜都真係連鹹味都無…..嘩!! 極品透明「清湯」。
唯一覺得好既係我地7位被安排坐房仔，環境比房外既客人好好多倍，因為房外真係好熱，熱到完全FEEL唔到冷氣，黎食既朋友要有心理準確食完會一身汗。
食物方面：
肉類既食材已經預先醃左，所以只有醃料味，就連食羊肉都唔會有羊羶味；丸類、腸類都係普通入口貨；
贈送既拼盤不過不失，蠔煮完都無縮得太犀利，而且好飽滿；我揀果隻龍蝦比較大隻，燒左半個鐘岩岩好，肉質彈牙，不過朋友就無咁好彩，食到霉既龍蝦；鮑魚彈牙，亦唔會似香口膠；其他海鮮因為放入鍋中SHABU SHAU，已經試唔出佢本身無鮮味定係煮到無左鮮味。
餐廳另外有提供少許前菜，有涼拌雲耳、青瓜、麻醬冷麵，仲有梅酒同清酒。
總結今次用餐體驗，非常之唔好，食物味道麻麻、環境即使係房都熱、爐既自轉軌有一邊又唔識郁、其中一位服務姐姐又串、時間嚴重唔夠，完全搵唔到一個值得推介、同再試既理由。
Post
