阿爺八鮮鍋 (Closed)

好多人話阿爺八鮮鍋cp值很高, 今日就嚟試下。入去見到好大個魚缸, 裝滿毛蟹、阿拉斯加蟹、象拔蚌、海立魚同龍蝦, 睇到感覺新鮮。一坐低就上燉湯, 清潤暖一暖胃。刺身拼盤跟住呢就係刺身拼盤, 有西澳龍蝦、象拔蚌、原隻海立魚刺身、油甘魚、甜蝦。即劏活海鮮零舍新鮮, 西澳龍蝦嫩滑清甜。象拔蚌脆口彈牙。海立魚刺身晶瑩剔透爽口有魚味。惹味雞煲分大中小辣, 揀咗少辣。雞肉嫩滑惹味加埋年糕、花膠, 吸收雞煲醬汁精華, 令人越食越想食！仲可以無限追加！跟住火鍋揀咗冬瓜湯底。超級海鮮盒活海鮮火鍋配料, 有南非鮑魚、日本元貝、龍蝦, 非常新鮮。南非鮑魚煙韌有嚼口。元貝大大隻爽口啖啖肉！安格斯牛小排脂肪少肉質鮮甜軟嫩, 泡一泡就啱啱好。放題可以任點, 的確幾抵！海鮮配料呢度嘅海鮮配料有鮑魚、蟶子皇、海蝦白鱔片、龍躉片, 款式種類多, 真係值回票價。海蝦新鮮爽口彈牙。白鱔片嫩滑充滿魚味。原粒帶子清甜鮮味。日本蟹棒非常長, 泡完唔會散曬。雖然好飽, 但係都要食埋雪糕, 畫上完美句號。