Monster Carbs (Closed)

喺公司附近食飯食到悶悶地於是就openrice睇下有冇d新餐廳可以試，見到漢堡睇落都唔錯 饅魚粉絲卷外脆內軟，紫菜好香，調味恰到好處，價錢好抵食，如果無記錯好似係$28/6件經典芝士漢堡 $28因為係外賣關係，個包有少少走樣，不過呢個價錢黎講一d都唔hea, 個包烘得香脆，蕃茄芝士青瓜生菜同漢堡扒一樣俾足，喺而家百物騰貴嘅香港，此價錢同出品真係有誠意之作，味道亦非常好凡購買任何食品即可加$5換一個迷你忌廉蟹肉薯餅，同樣是外脆肉軟，而且炸粉好薄，炸得好靚唔會油膩，外賣返到去依然熱辣辣非常惹味疫情下百業蕭條，各行各業都捱得辛苦，希望小店撐得住，仲希望可以食到良心美味小店嘅小市民上加油！