今日嚟到灣仔QRE Plaza搵食 呢間日色居酒屋炭兎🪵
連我嘅居港日籍朋友都推薦 不論係食物定環境都好有質素👍🏻
餐廳吧枱位可以望住廚房煮食 仲有爐端燒😍
日本師傅即席展現廚藝 串燒即叫即燒 好有風味🍢
🐟薑蔥醋鯖魚卷 $98
先嚟個前菜鯖魚卷 口感同味道都非常特別
紫蘇葉 酸薑同白蔥嘅味道剛好中和左鯖魚嘅腥味🫚
連平時唔太鍾意魚腥味嘅我都接受到🤩
🦪鐵盒燒廣島生蠔 $240 (追加芝士+$48)
鐵盒燒廣島蠔似乎係每台都必叫嘅菜式
生蠔隻隻都好靚仔又大隻 而且燒得剛剛好🔥
脹卜卜又充滿水份 追加半溶芝士意外地好夾🧀
枱邊有檸檬汁辣椒同其他配料配住食 一款好多種食法🧂
🔥🐟燒原條喜之次 (小) $480
成餐飯最精彩嘅當然係燒喜之次 第一次喺香港食
爐端燒喺香港比較少見 有喜之次就更加係難得🥹
喜之次燒到紅卜卜 魚油超香 肉質超級嫩滑😭
就算唔點任何醬汁 原汁原味配少少鹽就非常好食 👍🏻
🐓炭燒名古屋交趾雞 $168
望住師傅喺串燒台不斷用炭火燒雞 每粒都充滿炭火味🥰
上枱時連埋火台鐵板上 熱辣辣又更添焦香味👍🏻
🥑燒牛油果$78
第一次食熱嘅牛油果 配上肉汁滿滿嘅漢堡扒
味道非常特別 但出奇地好配合 感覺非常新鮮😋
🍳鐵板明太子芝士玉子燒 $108
明太子嘅份量比得好慷慨 一食就好有博多嘅味道
玉子燒多汁滑嫩 中間包住半溶嘅芝士 太邪惡了🤤
🏡炭兎 (灣仔)
📍灣仔皇后大道東202號QRE Plaza 6樓
