前菜以青瓜絲，藜麥，合桃配上酸甜嘅柚子汁，相當開胃！
汁煮白鱈魚， 最令人驚喜係師傅會將魚皮煎香成非常脆薄香口， 感覺就好似食薯片一樣，而 白鱈雪魚非常嫩口鮮甜。
鐵板燒第一主角就係象拔蚌， 伴上芥末汁襯托 非常鮮美可口， 食完一口又一口！
鐵板燒第2主角當然唔少得a5和牛， 油脂分佈非常平均，5成熟入口即溶，油脂感非常豐富， 配上新鮮芥末同炸蒜片一齊食簡直係回味無窮！
粒粒分明嘅和牛炒飯， 伴以雞蛋一齊炒 ， 份量一啲都唔少！
鮮雞湯非常鮮甜，裏面仲有唔少配料，食飽飲一碗熱湯簡直非常滿足。
最後甜品一啲都唔野少，我揀咗柚子雪芭同埋豆腐雪糕， 柚雪葩口感非常清爽， 而豆腐雪糕 口感濃郁，伴上燕麥脆脆非常好食，為今次嘅鐵板燒畫上圓滿句號！
