喜來稀肉 (Closed)

夜晚七點幾上到嚟唔使等位。場內座滿三分一左右，個場超大，好空曠無壓迫感，抽風做得唔錯。個爐已經set好。侍應分別係喺已經有芝士同泡菜嘅爐邊倒入蛋漿，重有一格放左蒜頭，可以配烤肉食。中間一舊油脂(用黎烤肉,超香!!!)無限refill嘅生菜&三款配菜泡菜比平時食嘅辣。生洋蔥就夠曬刺激，食到我流曬眼淚，都係芽菜、蔥比較啱口味，可惜蔥多芽菜太少。兩個女仔食唔到咁多肉，只係叫咗豬護心肉、雪花肥牛、水冷麵。護心肉係呢度嘅招牌，肉質爽口，口感有啲似豬頸肉， 醃得啱啱好，唔會過度調味。上碟已切成細細塊,，厚度適中，唔洗驚烤到燶曬中間都未熟。雪花肥牛，牛肉脂肪分佈平均，一路燒D牛脂不停流出。真係睇到....口水都一齊流呀 🙊。食落油香濃郁，肉質嫰滑，不過就無想像中咁入口即溶啦。水冷麵一向係我嘅至愛，湯底酸酸地。冰冰涼涼。食完烤肉再食佢，簡直係絕配。不過喺度叫水冷麵就唔係好抵啦....老實講，同現成喺超市買返嚟嘅分別不大。